Xassan Shiikh iyo wafdi uu horkacayo oo gaaray Kambala & xog ku aadan ujeedka safarkiisa
Madaxweynaha Jamhuuriyadda Federaalka Soomaaliya mudane Xasan Sheekh Maxamuud iyo wafdi uu hoggaaminayo ayaa gaaray magaalada Kampala ee dalka Uganda.
Halkaas waxaa maanta ka dhacaysa munaasabad, si rasmi ah loogu saxiixayo ka mid noqoshada Soomaaliya ee Dalladda Bulshada Bariga Afrika.
Soomaaliya ayaa 24-kii November 2023 ku biirtay Ururka Iskaashiga Dhaqaalaha Bariga Afrika, iyadoo Madaxweynaha Jamhuuriyadda Federaalka Soomaaliya uu xiligaas guddoomay kursiga xubinnimo ee Jamhuuriyadda Soomaaliya kadib markii la aqbalay codsigeedii ku biiridda Ururka.
Xassan Shiikh iyo wafdigiisa ayaa soo dhameystay booqasho ay ku joogeen maalmahan dalka Mareykanka halkaasoo ay ka qeyb galeen shir caalami ah oo looga hadlayey amniga Somalia.
intii ay wafdiga Madaxweynaha joogeen dalka Mareykanka ayaa bankiga aduunka iyo IMF waxay ku dhawaaqeen in Somalia laga cafiyey deyn lacageed oo gaareysa 4.5 Bilyan oo dollar taasoo aheyd guul kale oo u soo hoyatay Somalia.
