Madaxweynaha Soomaaliya Mudane Xasan Sheekh Maxamuud ayaa gaaray magaalada London ee caasimadda Ingiriiska , halkaas uu kaga qeyb galayo shirka hoggaamiyeyaasha caalamka ee ka hortagga cunno yarida iyo aafooyinka sababa.
Madaxweyne Xasan Sheekh ayaa Kulamo la qaadan doona Madaxda dalka Ingiriiska oo uu kala hadli doono dagaalka ka dhanka ah argagixisada iyo in ay ka taageeraan Soomaaliya qorshaha qaran ee qaadista cunaqabateynta hubka ee saaran dalkeenna, maadaama ay xubin ka yihiin Golaha Ammaanka ee Qaramada Midoobey.
Xasan Sheekh ayaa sidoo kale la filayaa in kulamo doceedyo la qaato qaar kamid ah madaxda kala duwan ee ka qeyb galeysa shirka ka dhacaya magaalada London, kuwaa uu kala hadli doono xaalada Soomaaliya iyo sidii ay u taageeri lahaayeen dowladda .
Madaxweynaha Soomaaliya Xasan Sheekh Maxamuud ayaa dib u bilaabay safaradii uu ku aadi jiray dalka dibadiisa , kaddib markii uu hakaday howlgaladii ka dhanka ahaa kooxda Al Shabaab ee ka socday qeybo kamid ah dalka.
Xafiiska Shabakada Allbanaadir.com
Muqdisho Somalia
Allbanaadir@live.com
