Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa kulan la qaatay duubabka dhaqanka ee Gobolka Bakool.
Guddoomiye Sheekh Aadan Madoobe ayaa duubabka dhaqanka ee ka dhageystay warbixin ku saabsan xaalada deegaanka oo ay ugu horreeyaan amniga, waxbarashada, iyo adeegyada kale ee bulshada.
Waxay dhaqanku sheegeen inay kaalin muhiim ah ka qaadan doonaan abaabulka lagu ciribtirayo al-shabaab ee ka socda gobolka bakool iyo gobolada dalka qaarkood.
Guddoomiyaha Golaha Shacabka BJFS ayaa duubabka dhaqanka Gobolka Bakool ku ammaanay adkeysiga iyo xoojinta dadaalada ay ku doonayaan inay in kooxda al-shabaab isaga xorreeyaan si deeganadaan ay dib ugu soo laabtaan dhammaan adeegyada kala duwan ee dowladda.
Shiikh Aadan Madoobe ayaa qeyb ka ah booqasho ay magaalada Xudur ku joogaan wafdi sare oo ka socda DF iyo Koonfur galbeed kaasoo uu horkacayo Madaxweyne Xassan Shiikh iyo Laftagareen oo halkaas u jooga abaabulka dagaalka Al-shabaab.
