Golaha deegaanka magaalada Baraawe ee caasimadda maamulka Koonfur Galbeed ayaa xilka ka qaaday guddoomiyihii magaaladaasi Liibaan Abuukar Cismaan iyo ku xigeenkiisa labaad ee arrimaha bulshada Sahro Abuukar Cali.
Wareegto kasoo baxday wasiirka arrimaha gudaha iyo dowladaha hoose ee maamulka Koonfur Galbeed ayaa lagu ayiday xil ka qaadista lagu sameeyay guddoomiyaha magaalada Baraawe iyo kuxigeenkiisa labaad.
Masuuliyiintan xilka laga qaaday ayaa lagu eedeeyay wada shaqeyn la’aan la sheegay in ay kala dhaxeysay golaha deegaanka magaalada Baraawe, waxaana laamaha ammaanka Baraawe la faray in ay dhaqan-geliyaan xil ka qaadista lagu sameeyay labadan masuul.
