Madaxweynaha dalka Ciraaq C/Ladiif Jamaal Rashiid ayaa la gaarsiiyay casuumad laga waday madaxweynaha Soomaaliya Xasan Sheekh Maxamuud oo ku casuumay in uu booqasho ku yimaado magaalada Muqdisho.
Danjiraha dowladda federaalka Soomaaliya u jooga dalka Ciraaq, Ambassador Liibaan Sheekh ayaa lagu soo dhaweeyay qasriga madaxtooyada Ciraaq, waxa uuna halkaasi kula kulmay madaxweynaha dalka Ciraaq C/Ladiif Jamaal Rashiid .
Qoraal ka soo baxay baxay madaxtooyada Ciraaq ayaa lagu sheegay inuu Madaxweyne C/Ladiif Jamaal Rashiid uu qaabilay Danjiraha Soomaaliya u jooga Bagdaad kana guddoomay dhambaalkii uu madaxweyne Xasan Sheekh u soo diray.
Madaxtooyada Ciraaq qoraalka kasoo baxay ayaa lagu sheegay in madaxweynaha Soomaaliya ku casuumay dhiggiisa dalka Ciraaq in booqasho rasmi ah ku yimaado magaalada Muqdisho.
Madaxweynaha Ciraaq, C/Ladiif Jamaal Rashiid waxa uu ka codsaday Danjiraha Soomaaliya inuu salaan khaas ah ka gaarsiiyo Madaxweyne Xasan Sheekh , isla markaan uu rajeynayo in la xoojin doono iskaashiga iyo xiriirka labada Waddan ee walaalaha ah.
Xafiiska Shabakada Allbanaadir.com
Muqdisho Somalia
Allbanaadir@live.com
