Xiriirka Soomaaliyeed ee kubbadda Cagta ayaa maanta soo bandhigay Rachid Lousteque oo u dhashay dalka Morooco oo loo magacaabay Macalinka Xulka qaranka Soomaaliya.
Macalinka waxaa la shaqeyn doona Macalin Yuusuf Cali Nuur oo loo magacaabay Macalinka labaad ee xulka, halka Ghassane oo isna u dhashay dalka Morooco loo magacaabay macalin ku xigeenka xagga jir-dhiska cayaartoyda.
Macalin Xasan Faarax ayaa loo magacaabay Macalinka Goolhayeyaasha xulka qaranka Soomaaliya.
Macalimiinta ayaa 10-ka bishna bilaabi doona howshooda, iyadoo xulka Somalia ay ku soo fool leeyihiin tartamo adag oo caalami ah, kuwaasoo ay ka mid yihiin isreebreebka koobka kubada cagta Aduunka sida uu sheegay xiriirka kubada cagta ee Somalia.
Xulka Qaranka Kubada cagta Somalia ayaa guuldarooyin ka soo hoya inta badan tartamada caalamiga ah, lamana oga waxa macalinkan cusub ee ajnabiga ah uu ka bedeli karo xaalada liidata ee ciyaartoyda xulka.
