Waxaa lasoo bandhigay tobanka magaallo ee ugu nolosha fiican caalamka , Kaddib qiimeyn lagu sameeyay dalalka caalamka , waxaana safka hore soo galay magaalooyin waa weyn oo sannadihii lasoo dhaafay kasoo muuqanayay kaalmaha sare.
Guud ahaan nolol maalmeedka magaalooyinkan waxaa samaysay kor u kac 15 sano ah, sida laga soo xigtay machadka odoroska dhaqaalaha (EIU) , kaas oo ku qiimeeya 173 magaalo arrimo ay ka mid yihiin xasilloonida, daryeelka caafimaadka, dhaqanka & deegaanka, waxbarashada iyo kaabayaasha.
Sare u kaca waxaa inta badan sabab u ah guulaha daryeelka caafimaadka iyo waxbarashada ee Aasiya, Bariga Dhexe iyo Afrika – xitaa iyadoo buundooyinka xasiloonida ay hoos u dhaceen guud ahaan kacdoonka rayidka iyada oo ay sii kordheyso walaacyada qiimaha-nololeed ee adduunka oo dhan iyo iskahorimaadka sii socda ee magaalooyinka sida Kiev.
Haddaba kuwani waa shanta magaalo e caalamku ugu nolosha wanaagsan sida lagasoo xigtay EIU.
Vienna, Austria
Caasimadda Australiya kuma cusba kaalinta koowaad ee tusmada nolol-maalmeedka wanaagsan, kaliya waxay lumisay abaalmarinta muddo kooban sannadkii 2021 ka dib markii bandooga Covid19 uu saameysay madxafyada iyo makhaayadaha.
Dhibcaha ugu fiican ee xasilloonida, daryeelka caafimaadka, waxbarashada iyo kaabayaasha, Vienna way ka badan tahay wadarta qaybaheeda, sida ay qabaan dadka deggan.
Melbourne, Australia
Labada magaalo ee kala ah Melbourne iyo Sydney waxay dib u heleen darajooyinkoodii (saddexaad iyo afraad siday u kala horreeyaan) ee 10ka magaalo ee ugu nolosha fiican, ka dib markii ay hoos ugu dhaceen tusmada intii lagu jiray cudurka faafa ee coronavirus kaas oo xumeeyay nidaamka daryeelka caafimaadka Australia oo sababay xirnaan muddo dheer.
Gaar ahaan Melbourne waxay dhalisay dhibcaha ugu sarreeya ee dhaqanka iyo deegaanka ee waddanka – sifooyin ay dadka deggani jecel yihiin.
Vancouver, Canada
Saddex magaalo oo Kanada ku yaal (oo ay ku jiraan Calgary iyo Toronto) ayaa ka mid noqday 10-ka sare ee sanadkan, laakiin Vancouver ayaa lagu qiimeeyay in ay ka mid tahay shanta ugu sarreysa marka la eego dhibcaha dhaqanka iyo deegaanka ee sarreeya – sifooyinkan oo ay dadka deggani isla markiiba tilmaamayaan jacaylka ay u qabaan magaaladooda.
Osaka, Japan
Kaalinta 10-aad ee tusmada, iyo dalka kaliya ee Aasiya ee soo galay liiska tobanka u sareeya, Osaka waxa ay dhanka daryeelka caafimaadk, iyowaxbarashada ka heshay 100 dhibcood oo kaamil ah. Iyada oo qiimaha noloshu ay sii waddo inay cadaadis saarto dakhliga qoyska ee badan ee adduunka oo dhan, Maciishadda la goyn karo ee Osaka ayaa sidoo kale sare u qaadday nolosha dadka deggaan.
Auckland, New Zealand
Iyada oo kaalinta 10-aad la haysata Osaka, Magaalada Auckland waxay kor u kacday in ka badan 25 dhibcood sannadkii hore, taas oo qayb weyn ka ah dib u dhac ku yimid dib u furitaanka magaalada kadib xannibadi ka dhalatay Covid19, halkaas oo xannibaadaha iyo bandooyada aan si buuxda loo qaadin ilaa Sebtembar 2022.
Marka lagu daro dhibcaheeda waxbarasho ee ugu fiican, magaaladu sidoo kale waxay haysatay dhibcaha ugu sarreeya ee dhaqanka iyo deegaanka ee 10ka magaalo ee ugu nolosha wanaagsan caalamka.
