Ergeyga Gaarka ee Qaramada Midoobay u qaabilsan Somalia Catriona Laing ayaa maanta magaalada Muqdisho ku booqatay, Ergeyga Midowga Afrika ee Soomaaliya ahna Madaxa Howlgalka Ku Meel Gaarka ah ee Midowga Afrika (ATMIS), Souef Mohamed El-Amine.
Waxay ka wadahadleen iskaashiga u dhexeeya Qaraamada Midoobay iyo ATMIS, isbadalka amniga ee Soomaaliya, iyo shaqada muhiimka ah ee nabad-ilaalinta ATMIS ee taageerada amniga Soomaaliya.
Souef Mohamed El-Amine ayaa Ergeyga Gaarka ee Qaramada Midoobay u qaabilsan Somalia warbixin ka siiyey sida ay u socdaan howlgalada ciidamada ATMIS ka wadaan Somalia iyo taageerada DF.
Ergeyga Cusub ee Xoghayaha Guud ee Qaramada Midoobay u qaabilsan Soomaaliya ee dhawaantan la magacaabay, Catriona Laing, ayaa shalay soo gaartay magaalada Muqdisho.
Catriona Laing oo u dhalatay dalka Ingiriiska ayaa ah diblumaasiyad sare, waxaana xilkaan oo loo magacaabay bishii la soo dhaafay, iyadoo xilka kala wareegeysa Wakiilkii hore ee Qaramada Midoobay ee Soomaaliya James Swan Mareykanka u dhashay.
Ergeyga cusub ee Xoghayaha Guud ee Qaramada Midoobay u qaabilsan Soomaaliya ayaa dhawaan u gudbineysa Madaxweyne Xasan Shiikh warqadaheeda aqoonsiga ee danjirenimo.
