Magaalada Laascaanood waxaa maalintii sadexaad ka socda dagaal la isku habeensaday oo u dhaxeeya ciidamada Somaliland iyo kuwa deegaanka ee loo yaqaano SSC
Wararkii ugu dambeeyay ayaa sheegaya in illaa caawa maqribnimadii dhawaqa rasaasta culus laga maqlayo duleedka magaalada.
Wararka ayaa intaa ku daraya in magaalada ka go’een biyihii ka dib markii goobtii keydka biyaha ay waxyeelo ka soo gaartay hubka dagaalka la isku adeegsanayo.
Waxaa dhanka kale sii kordhaya khasaaraha ka dhashay dagaalka, xilli inta badan dadkii magaalada deganaa ay halkaasi ka qaxeen.
Sarkaal ka tirsan Qaramada Midoobay ayaa sheegay in dad ka badan 80 kun ay ku barakaceen dagaalka ka socda magaalada Laascaanood.
Xafiiska Shabakada Allbanaadir.com
Muqdisho Somalia
Allbanaadir@live.com
