Ciidanka Xoogga dalka oo kaashanaya maamulka gobolka Bakool ayaa maanta howlgalo ka dhan ah Al-shabaab waxaa ay ka sameeyeen degaano dhowr ah oo hoos yimaada Magaaladda Xudur.
Degaanada howlgalka looga sameeyay oo ciidanka Xoogga ay gaareen ayaa waxaa ka mid ah Farag, Wargaloole, Luwaay weyne iyo Huuyaley.
Waxaa isaga baxay degaanadan kooxda Al-shabaab oo muddo badan ka arrimin jiray ka dib markii ay ka war heleen duulanka ku soo wajahan.
Saraakiisha ciidamada ayaa sheegay iney sii wadi doonaan howlgalada ka dhanka ah Al-shabaab tan iyo inta ay ka saarayaan degaanada hoostaga gobolka Bakool ee ay weli joogaan.
Ciidamadii Al-shabaab ee isaga baxay degaanada lagala wareegay ee duleedka magaalada Xudur ayaa la soo sheegayaa iney isku abaabulayaan degaano aan ka fogeyn goobahaas, iyagoo qorsheynaya iney soo qaadaan dagaalo rogaal celis ah.
Xafiiska Shabakada Allbanaadir.com
Muqdisho Somalia
Allbanaadir@live.com
