Ciidanka Hay’addda Nabad Sugida iyo Sirdoonka Koonfur Galbeed Soomaaliya ayaa Caawa howgal ka sameeyey xaafadaha iyo wadooyinka Magaalada Baydhabo.
Ciidanka ayaa baarayey dadka iyo gawaarida isticmaala wadooyinka waaweyn iyo Xaafadaha magaalada.
Howgalka ayaa ujeedkiisu ahaa mid lagu sugaayey guud ahaan amniga Magaalada Baydhabo sida ay sheegeen saraakiisha hogaamineysay.
“Ciidanka Hay’adda Nabad Sugida iyo Sirdoonka Koonfur Galbeed Soomaaliya ayaa howlgalo joogta ah ka wada guud ahaan koonfur galbeed Soomaaliya’ ayaa lagu yiri qoraal ka soo baxay taliska NISA ee Koonfur Galbeed.
Taliyaha NISA ee howlgalka hogaminayey ayaa Dhamaan shacabka Soomaaliyeed gaar ah bulshada degmada ugu baagay inay indho u noqdaan ciidamada amaanka ayna ku garab istaagaan howlgallada lagu ciribtirayo Al-Shabaab.
Lama sheegin dad lagu xiray ama hub lagu qabtay howlgalkan.
