Madaxa Al-shabaab u qaabilsanaa cunta karinta Gobolka Bay Cali Madkeer Mad-Muumin ayaa isku soo dhiibay Ciidanka Xoogga dalka ee ku sugan deegaanka Makuudo oo duleedka Baydhabo.
Taliska Qeybta 60-aad ee Xoogga Dalka oo Cali soo bandhigay ayaa si wanaagsan usoo dhaweeyay markii uu isku soo dhiibay gacanta dowladda.
Cali Madkeer Mad-Muumin ayaa sheegay in sababta uu uga soo baxay kooxdii uu ka tirsanaa ay tahay markii uu ogaaday dhibaatada ay ku hayaan bulshada Soomaaliyeed sida uu hadalka u dhigay.
“Waxaan ugu baaqayaa dhalinyarada kale ee kooxdaas ku jira iney isaga ku daydaan, kana soo baxaan kooxdaas, dhinacna ka raacaan dadkooda” ayuu yiri Cali Madkeer Mad-Muumin.
Al-shabaab illaa hadda kama hadlin sarkaal la sheegay inuu iyaga ka soo goostay, loogamana baran iney ka fal celiyaan arrimahan oo kale.
