Hay’adda Lacagta Adduunka IMF ayaa shaacisay in dib u dhaca doorashada Soomaaliya ay sababi karto in ay joojiyaan lacagaha ay ku taageeraan dowladda federaalka gaar ahaan kuwa mushaar ahaan loo siiyo ciidanka dowladda.
Madaxa hay’adda IMF ee dalka Soomaaliya Laura Jaramillo, ayaa ka digtay dib u dhaca doorashada, waxa ayna xustay in ay joojin doonaan lacagaha mushaaraadka ciidanka iyo lacagaha kale ee dowlada ku taageeraan hadii doorashada sii daahdo.
Laura Jaramillo, ayaa sheegtay in sababta u keentay welwelka ay tahay in 17ka May 2022 Xukuumadda Muqdisho laga doonayo in ay saxiixdo heshiisyo qabyo ah oo kala dhaxeeya IMF balse haddii daaha Doorashada uu dheeraado uu sii kordhayo walaaca ay qabaan.
“Waxay saameyn ku yeelan doontaa shaqada dowladda waxayna yeelan kartaa saameyn ballaaran, “Waxaan ku kalsoonahay in doorashada lagu soo gabagabeyn doono waqtigeeda si aysan saameyn ugu yeelan barnaamijka dib u habeynta” ayey tiri Laura Jaramillo,.
Doorashada Soomaaliya ayaa ka dib dhacday muddo sanad ka badan, walina doorashada ayaa u muuqata mid sii jiitameysa oo mar kale dhaafeysa xilligii ay ku heshiiyeen gollaha wadatashiga Qaran.
Xafiiska Shabakada Allbanaadir.com
Muqdisho Somalia
Allbanaadir@live.com
https://www.youtube.com/watch?v=s6n9zI19XO8
