Guddoomiyaha gobolka Banaadir ahna duqa magaalada Muqdisho Mudane Cumar Maxamud Maxamed (Cumar Filish) ayaa maanta xariga ka jaray dhismaha wadada xiriirisa Degmooyinka Waabari, Xamar Jajab iyo Xamar Weyne oo uu maamulka gobolka Banaadir dib udhis ku sameeyay.
Wadadan uu xariga ka jaray duqa magaalada Muqdisho ayaa sidoo kale waxa ay isku xirtaa Isgooska Shabeele ilaa isbitaalka Martiini, waxa ayna soo hormartaa xarunta Beerta Nabada iyo Biyaasa Liibaro.
Dhismaha wadadan ayaa dhaqaalaha ku baxay waxaa iska kaashaday maamulka gobolka Banaadir iyo bulshada ku dhaqan degmooyinka wadadan la dhisay ay marto.
- Advertisement -
