Dowlada Mareykanka ayaa ka hadashay doorashada Soomaaliya ee abuurtay khilaafka iyo dib u dhaca, waxa ayna dowlada Mareykanka taageero u muujisay shirka gollaha Wadatashiga Qaran ee Muqdisho ka dhacaya.
Afhayeenka wasaarada arrimaha dibbada dowlada Maraykanka Ned Price, ayaa sheegay in xukuumadad Washigton ka walaacsan tahay dib u dhaca doorashada iyo fashilka marar badan ku yimid habraaca doorashada.
Ned Price, ayaa ugu baaqay madaxda Soomaaliyeed in si deg deg ah loo soo gabagabeeyo doorashada xildhibaanada golaha shacabka iyo tan Madaxweynaha, waxa uu sidoo kale ku baaqay in doorashada noqoto mid daah furan oo lagu kalsoonaan karo.
Baaqan kasoo yeeray dowlada Mareykanka ayaa kusoo aadaya xili khilaaf meeshii ugu xumeyd gaaray uu ka dhaxeeyo Madaxweynaha Farmaajo iyo Ra’isul Wasaare Rooble, waxaana khilaafkan ka dhashay hanaanka doorashada ku soconeyso.
Xafiiska Shabakada Allbanaadir.com
Muqdisho Somalia
Allbanaadir@live.com
https://youtu.be/8UAImsqir0M
