Madaxweynaha waqtigiisu dhamaaday ee Maxamed Farmaajo ayaa guddoomiyey kulan hordhac u ah Shirka Qaran ee dhammeystirka Arrimaha Doorashooyinka iyo fulinta heshiiskii 17-ka Sabteembar 2020 ee ay ansixiyeen Baarlamaanka Federaalka Soomaaliya.
Kulankan waxaa ka qeyb galay Ra’iisul Wasaaraha Xil gaarsiinta Xukuumada Soomaaliya Rooble, Madaxweyneyaasha maamulada Galmudug , Koonfur-galbeed , Hirshabeelle iyo Guddoomiyaha Gobolka Banaadir .
Waxaa ka maqnaa kulankan horu dhaca u ah shirka looga hadlayo khilaafka ka taagan doorashada iyo fulinta heshiiskii horey loo gaaray Madaxda maamul goboleedyada Puntland iyo Jubbaland .
Waxaa socda dadaalo beesha caalamka ku dooneyso in Madaxda maamulada Puntland Iyo Jubbaland uga qeyb galaan shirka looga hadlayo arimaha doorashada ee ka furmaya teendhada Afisiyooni ee xeendaabka Garoonka Aadan Cadde.
Xafiiska Shabakada Allbanaadir.com
Muqdisho Somalia
Allbanaadir@live.com
