Dagaal u dhaxeeya ciidamo ka tirsan Daraawiishta Koonfur Galbeed & Maleeshiyo Beeleed ayaa ka socda degmada Wanle-weyn ee gobolka Sh/hoose.
Wararka ayaa intaas ku Daraya in dagaalka uu bilowday markii maleeshiyo hubeysan ay weerareen bar-koontorool oo Ciidamada ku leeyihiin xaafada Muuri ee degmada Wanle-weyn sida ay ku waramayaan ilo wareedyo ku sugan degmadaas.
Weerarka lagu qaaday kontrolka ciidamada ayaa salka ku haya isqabqabsi la xiriira lacago halkaas looga qaado gaadiidka noocyadiisa kala duwan, sida kuwa rakaabka iyo xamuulka.
Maleeshiyada hubeysan ayaa la sheegay inay markii hore dileen afar ka tirsan ciidamada daraawiishta Koonfur Galbeed taasoo keentay inuu dagaalka si toos ah u bilowdo.
Xaalada degmada Wanle-weyn ayaa kacsan waxaana la maqlayaa rasaas goos goos ah oo isweydaarsanayaan dhinacyada halkaas isku fara saaray, iyadoo qeybo ka mid ah degmada ay xiran yihiin goobaha ganacsiga.
La soco wixii ka soo kordha
Xafiiska Shabakada Allbanaadir.com
Muqdisho Somalia
Allbanaadir@live.com
