Xukuumada Beljimka ayaa dalkeeda ceyrisay 5 qof oo u dhashay dalka Denmark kuwaasoo doonayey inay kitaabka Quraanka kariimka ku gubaan magaalada Brussels gaar ahaan degaan ay ku badan yihiin dadka Muslimiinta.
Raggan ayaa sida la sheegay aaminsan fikirka midig fog, iyadoo Xoghayaha arrimaha gudaha dalka Belgium Sammy Mahdi uu raggan ku tilmaamay inay halis ku yihiin nidaamka iyo kala dambeynta.
Bog ay barta facebook ku leeyihiin ragga la tarxiilay ayey ku sheegeen inay xiriir la leeyihiin siyaasiga midig fog ee u dhashay dalka Denmark kaasi oo lagu magacaabo Rasmus Paludan kaasoo qudhiisa laga ceyriyay dalka Faransiiska Arbacadii ka dib markii uu muujiyay in uu doonayo in Kitaabka Quraanka uu ku gubo magaalada Paris.
Horraantii sanadkan ayaa siyaasigani xabsiga la dhigay muddo bilooyiin ah dalkaasi Denmark ka dib markii lagu eedeeyay inuu u gefay Islamka, islamarkana uu muuqaalo ka dhan ah Islamka uu so dhigay baraha bulshada uu xisbigiisa .
Xafiiska Shabakada Allbanaadir.com
Muqdisho Somalia
Allbanaadir@live.com
