Waxaa saakay garoonka diyaaradaha Aadan Cadde ee magaalada Muqdisho kasoo degtay diyaarad milatari oo siday daawooyin iyo dhaqaatiir kuwaa oo qeyb ka noqonaya gurmadka dadkii ku dhaawacmay qaraxii shalay ka dhacay Muqdisho.
Diyaaradan Muqdisho timid ayaa sidoo kale la filayaa in dalka Turkiga u qaado si loogu soo daweeyo qaar kamid ah dhaawacyada culus ee lagu daweyn waayay isbitaalada kuyaala magaalada Muqdisho .
Dowlada Turkiga ayaa noqotay dowladii ugu horeesay ee usoo gurmata shacabka Soomaaliyeed ee dhinbaatada xoogan shalay kasoo gaartay qaraxii xooganaa ee ka dhacay Ex-Koontarool Afgooye.
Isbitaalada waa weyn ee dalka Turkiga ayaa u diyaar garoobay sidii ay ula tacaali lahaayeen dadka qaba dhaawacyada culus ee la filayo in saacadaha soo socda la gaarsiiyo isbitaalo kuyaala dalka Turkiga.
Qarax ismiidaamin ah oo shalay ka dhacay Ex-Koontarool Afgooye ayaa galaaftay nolosha dad ku dhaw Boqol qof halka ay ku dhaawacmeen qaraxa dad ka basan 100-qof oo kale kuwaa oo qaarkood qabaan dhaawacyo culus.
Xafiiska Shabakada Allbanaadir.com
Muqdisho-Somalia
Allbanaadir@live.com
