Madaxweynaha Maamulka Puntland Cabdiweli Maxamed Cali Gaas ayaa shuruud ku xiray in lakala qaado ciidamada maamulka Puntland iyo kuwa Somaliland ee isku hor fadhiya deegaanka Tukaraq ee gobolka Sool.
Boqor Cismaan Maxamuud Boqor Buurmadow oo kamid ah Waxgaradka kasoo jeeda Somaliland ayaa ugu baaqay Madaxweynaha maamulka Puntland Candiweli Gaas in lakala qaado ciidamada labada maamul ee is hor fadhiya lana joojiyo xiisada dagaal.
Madaxweynaha Puntland Cabdiweli Maxamed Cali Gaas ayaa sheegay in uu soo dhaweenayo baaqa nabadeed ee Boqor Buur Madow balse shuruud uga dhigay in Boqorka marka hore arintaasi kasoo dhaa dhiciyo Madaxweynaha Somaliland.
”Waxaan idin sheegayaa in anigu Madaxweyne ahaan waan qaatay Baaqa Nabadeed ee Boqor Buurmadow ,waase hadii uu Boqorku baaqan nabadeed uu kaa aqbalo Muuse Biixi” Ayuu yiri Madaxweyne Gaas.
Ciidamada maamulada Puntland iyo Somaliland ayaa dhoor bilood isku hor fadhiya Deegaanka Tukaraq ee gobolka Sool, waxaana dagaal labada dhinac dhax maray Ciidamada Somaliland kula wareegeen deegaanka Tukaraq oo Puntland fariisin u aheed.
Xafiiska Shabakada Allbanaadir.com
Muqdisho Somalia
Allbanaadir@live.com
