Muxaadaradii Shiikh Umal galabta ku qaban lahaa Muqdisho oo dib loo dhigay (Sababta)

- Advertisement -

Waxaa dib loo dhigay muxaadaradii maanta oo jimce ah la filayay in magaalada Muqdisho uu ku qabto Sheekh Maxamed Cabdi Uma loo ka tirsan culimada Soomaaliyeed ee caanka ah.

Muxaadarada ayaa la qaban doonaa maalinta Axada ee soo socota oo taariikhdu tahay 24- bisha Novembar.

Sheekh Umal sheegay in sababta dib looga dhigay muxaadarada ay tahay dowladda oo maanta ku mashquulsan aaska loo sameynayo gabadhii dhawaan u geeriyootay xabad ku haleeshay xerada Xalane ee Almaas Eman.

Waxaa la filayay in muxaaradada uu ku qaban rabay Sheekh Maxamed Cabdi Umal garoonka ciyaaraha ee Injineer Yariisow uu kaga hadli rabay masiibooyinka iyo markii ay dhacaan sida loola tacaalo.

Muxaadaradaas waxaa gaashaanku a daruuray Sheekh Cabdulqaadir Sheekh Maxamed Sheekh Abuubakar (Sheekh Soomow) – Afhayeenka Golaha Guud ee Culimada Soomaaliya, kaas oo Sheekh Umal ku eedeeyay inuu faafaafiyo xagjirnimada, arrintaas oo uu Sheekh Umal ku tilmaamay mid aan sax ahayn ah.

Dhinaca kale, Dowladda Federaalka ayaa Guddi u xilsaartay qaban-qaabada iyo qabsoomida Muxaadarada Sheekh Maxamed Umul ku qabanayo Muqdisho, waxaa Guddigaas ka mid ah Wasiirka Diinta iyo Awqaafta, Wasiirka Dhalinyarada iyo Isboortiga, Guddoomiyaha Gobolka Banaadir iyo Taliska Booliska.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -