Wasiirka Wasaaradda Gaashaandhigga Xukuumadda Soomaaliya Xasan Cali Maxamed ( Amar-dambe) iyo masuuliyiin kale ayaa kormeer ku tagay degmada Owdheegle ee gobolka Shabeelaha Hoose.
Saraakiil katirsan ciidanka milatariga Soomaaliya ayaa degmada Owdheegle kusoo dhaweeyay Wasiirka Gaashaandhiga Soomaaliya ay wehliyeen wasiir ku xigeenka wasaarada caafimaadka iyo Gudoomiyaha gobolka Shabeelaha Hoose.
Masuuliyiintan ayaa u kuur galayay xaalada degmada Owdheegle oo bilo kahor ciidanka milatariga kala wareegeen Al Shabaab, waxa ayna masuuliyiintan sheegeen in xarumo caafimaad iyo xarumo kale oo muhiim ah laga hirgalinayo Owdheegle.
Degmada Owdheegle waxaa hada maamula ciidanka milatariga Soomaaliya gaar ahaan kuwa Sida gaarka ah u tababaran, waxaana degmadaasi laga dareemayaa isbadal tan iyo markii ay dowlada si buuxda ula wareegtay.
Xafiiska Shabakada Allbanaadir.com
Muqdisho Somalia
Allbanaadir@live.com
