Nin hubeysan ayaa maanta ku dilay Magaalada Muqdisho sarkaal ka tirsan ciidanka Xoogga dalka Soomaaliyeed.
Dilkan ayaa ka dhacay Xaafada Siisii ee degmada Yaaqshiid, iyadoo dad goob joogayaal ah ay sheegeen in nin bastoolad ku hubeysan uu rasaas ku furay Xiddigle Xasan Ceefow oo ka tirsanaa ciidanka Xoogga xili uu ku sugnaa qeybo ka mid ah xaafadaasi.
Hase ahaatee ciidamada amaanka oo ku sugnaa meel ku dhow goobtaas iyo dad shacab ah ayaa eryaday ninka hubeysan ee dilay sarkaalka.
Ciidamada amaanka ayay wararku sheegayan iney ugu dambeyn ku guuleysteen iney dilaan ninka hubeysan ee dilka geystay iyagoo ka qaaday bastooladii uu wax ku dilay.
Xafiiska Shabakada Allbanaadir.com
Muqdisho Somalia
Allbanaadir@live.com
- Advertisement -
