Faahfaahino ayaa ka soo baxaya qarax xooggan oo saaka ka dhacay nawaaxiga isgoyska Ex-koontarool Afgooye ee magaalada Muqdisho kaasoo la soo sheegayo inuu sababay dhimasho, dhaawac iyo burbur hantiyeed.
Wararka qaar ayaa sheegaya in Gaari noociisu aha NOAH ah oo laga soo buuxiyay waxyaabaha qarxa uu ku qarxay meel ku dhow bar kontrol ay ciidamada amniga ku leeyihiin isgoyska Ex-koontorool Afgooye, ka dib markii ay rasaaseeyeen ciidamo ka tirsan kuwa dowladda Soomaaliya oo ka shakiyay.
Inta la xaqiijiyay qaraxa ayaa waxaa ku geeriyooday darawalkii gaariga, askari ka tirsan Ciidamada Booliska iyo mid ka mid ah labo dabley ah oo saarnaa gaariga qarxay halka midka labaad oo baxsaday qaraxa ka hor ay ku raad joogaan ciidamada amaanka sida ay sheegeen saraakiil ka tirsan Ciidanka Booliska.
Qaraxa ayaa sidoo kale burbur xoogan u geystay gaadiid kale oo goobtaas ku dhowaa iyo goobo ganacsi oo halkaas ku yaalla
Ciidamada amaanka ayaa xiray wadooyinka soo gala isgoyska Ex-Kontorol Afgooye ee Magaalada Muqdisho hallkaasoo ay wadaan baaritaano, waxaana sidoo kale gaaray halkaas gaadiidka dab demiska iyo kuwa gurmadka deg deg ah.
Xafiiska Shabakada Allbanaadir.com
Muqdisho Somalia
Allbanaadir@live.com
Hoos ka Daawo Muuqaalka wararka Shabakadda Allbanaadir Online 24 saac kasta
