Sida uu ku warramay wargeyska The Standard, Wasiir ka tirsan dowladda Kenya ayaa beeniyay eedeyn loo jeediyay oo ahaa inuu waday qorshe uu ku dili rabay madaxweyne ku-xigeenka Kenya, William Ruto.
Saddex wasiir oo uu ku jiray Wasiirka ganacsiga Kenya Peter Munya ayaa tegay xarunta dambi baarista oo looga yeeray si wax looga weydiiyo eedeymaha sheegaya inay u hanjabeen madaxweyne ku-xigeenka, waxaana ka mid ah eedeeymaha mas’uuliyintani loo heysto inay yeesheen kulan qarsoodi ah.
“Waxaan caddeynay inaysan jirin goob aan kulan qarsoodi ah ku yeelanay, oo ku saabsan arrintaas” ayuu yiri Munya.
Sababta ay dilka ugu maleegayeen wasiiradan la eedeeyey ayaa lagu sheegay inay doonayeen inay hor istaagaan dadaalada Madaxweyne ku-xigeenka ku doonayo inuu u tartamo doorashada madaxweynaha ee dalkaas ka dhaceysa sanadka soo socda.
Xafiiska Shabakada Allbanaadir.com
Muqdisho-Somalia
Allbanaadir@live.com
