Thursday, April 25, 2024
Home Blog Page 2

Diyaaradda Air France oo cillad ku qabsatay hawada sare iyo Duuliyihii oo go’aan qaatay

Mid kamid ah diyaaradaha shirkadda Air France ayaa waxaa lasoo daristay cillad xilli ay duulimaad ku jirtay, waxa ayna taasi keentay in duuliyaha diyaaradaasi si deg deg ah ugu dejiyo dalkii ay u socotay dal aan aheyn.

Diyaaradan oo nuuceedu ahaa Boeing 777 ayaa isaga kala gooshaysay magaalooyinka Paris iyo Osaka, waxaana ku timid diyaarada cillad sababtay in si deg deg ah loogu dejiyo garoonka diyaaradaha ee Heydar Aliyev oo ku yaalla Caasimadda dalka Azerbaijan .

Shirkadda diyaaradaha ee Air France qoraal kasoo baxay ayaa lagu sheegay in la maqlay dawanka digniinta bixiya , kadib markii uu qiiq ka kacay halka laga hoggaamiyo diyaaradaha, taasi oo sababtay in diyaaradda si deg deg ah loo dejiyo.

Diyaaradda oo ay la socdeen 280-qof oo rakaab ah ayaa si nabad uga ka degtay garoonka diyaaradaha Heydar Aliyev, waxaana diyaarada markii degtay si deg deg ah loogu fidiyay gargaar, waxaana laga dejiyay oo goob ammaan ah la geeyay dadkii diyaaradda la socday.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

Jarmalka oo Dacwad kusoo oogay Ajaaniib katirsan Daacish oo weeraro geesan rabay

Dowladda Jarmalka ayaa shaacisay in la xiray dad lagu tuhmayo in ay xubno ka yihiin kooxda Daacish, waxaana dadkan dowladda xirtay ku eedeysay in ay qorsheenayeen in ay weeraro ka geestaan gudaha dalkaasi.

Xafiiska Dacwad-Oogaha Jarmalka ayaa dacwado ku soo oogay 7 qof oo ajaaniib ah oo loo heesto in ay katirsan yihiin kooxda Daacishta , waxaana raggan u xiran yihiin in ay maleegayeen weeraro argagaxiso ay ka geestaan Jarmalka iyo dalal kale oo Yurub ah .

Dadkan lala xiriiriyay kooxda Daacish ayaa dalka Jarmalka kasoo galay dhinacada xadka dalka Ukraine sannadkii 2022-kii, dambi baarayaasha Jarmalka ayaa sheegay in kooxdan aas-aaseen unug argagaxiso iyaga oo garab ka helaya xubno kale oo Daacish katirsan.

Halkan ka Akhriso magacyada dadkan Jarmalka xir xiray

1- Ata Alif oo u dhashay dalka Turkmenistan,
2- Maxamed Shahjah Alif u dhashay Tajikistan
3- Nouraldin K., oo u dhashay Tajikistan
4- Shamshad N., oo dhashay dalka Tajikistan
5- Saciid S., ooo u dhashay dalka Tajikistan
6- Rabani Z. Oo u dhashay dalka Tajikistan,
7- Abrarjan K, oo u dhashay dalka Kyrgyzstan.

Kooxdan loo heesto in ay katirsan yihiin kooxda Daacish ayaa la xir xiray kaddib markii la oggaaday in ay xiriir la sameeyeen kooxda Daacish garabka ku sugan gobalka Khorasan ee Waqooyiga dalka Afganistan.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

Dowladda Argentina oo ka dalbatay Booliiska Caalamiga in lasoo xiro Wasiir Ahmad Vahidi

Argentina ayaa weydiisatay booliska caalamiga ah ee Interpol inay soo xiraan wasiirka arrimaha gudaha Iran sababo la xiriira qarax 1994-kii lala beegsaday xarun ay bulshada Yahuudda ku leeyihiin Buenos Aires, kaasi oo lagu dilay 85 qof, waxaa sidaas Talaadadii sheegtay wasaaradda arrimaha dibedda.

Wasaaradda Arrimaha Dibedda ayaa sheegtay in wasiir Ahmad Vahidi uu ka mid yahay wafdi ka socda Tehran oo booqanaya Pakistan iyo Sri Lanka, islamarkaana booliska Interpol uu soo saaray wargelinta cas ee lagu dalbanayo xarigiisa kadib codsiga Argentina.

Argentina ayaa sidoo kale labadaas dowladood weydiisatay inay soo xiraan Vahidi, ayaa lagu yiri bayaanka.

Hase yeeshee wakaaladda wararka rasmiga ah ee Iran ee IRNA ayaa ku warrantay in Vahidi uu Talaadadii kusoo laabtay Iran, halkaasi oo uu kaga qeyb-galay munaasabad lagu dhaariyey barasaab cusub.

Sarkaal ka tirsan wasaaradda arrimaha dibedda Sri Lanka ayaa AFP u sheegay in Vahidi uusan ku jirin liiska wafdiga Iran ee dalkaas yimid Arbacada maanta ah.

12-kii April, maxkamad ku taalla Argentina ayaa Iran ku eedeysay weerarkii 1994-kii ka dhanka ahaa xarunta bulshada Yahuudda ee AMIA ee bartamaha Buenos Aires, iyo qarax laba sano kahor ka dhacay safaaradda Israel, kaasi oo lagu dilay 29 qof.

Weerarkii 1994-kii ayaan weli cidna aysan sheegan ama la xalin, hase yeeshee Argentina iyo Israel ayaa muddo tuhunsanaa inay kooxda Xizbullah ku fulisay codsiga Iran.

Dacwad-oogayaasha ayaa saraakiil sare oo reer Iran ah ku eedeeyey inay amreen weerarka, inkasta oo Tehran ay beenisay inay ku lug laheyd.

Maxkamadda ayaa sidoo kale la xiriirisay Xizbullah, waxayna ugu yeertay weerarka AMIA — kii ugu dhimashada badnaa taariikhda Argentina — “iyo dambi ka dhan ah bani’aadannimada.”

Bayaanka Talaadadii kasoo baxay wasaaradda arrimaha dibedda ayaa lagu yiri “Argentina waxay dalbaneysaa xariga caalamiga ah ee kuwii mas’uulka ka ahaa weerarkii AMIA ee 1994-kii kaasi oo lagu dilay 85 qof, iyo kuwa weli xilalka haya ee leh xasaanadda buuxda.”

“Mid ka mid ah waa Ahmad Vahidi, oo garsoorka Argentina ay u doonayaan inuu yahay mid ka mid ah kuwii mas’uulka ka ahaa weerarkii ka dhanka ahaa AMIA,” ayaa lagu yiri bayaanka oo sidoo kale ay wax ka saxiixday wasaarada amniga.

Argentina ayaa horey u sheegtay in Vahidi, oo ka tirsanaan jiray ciidamada Ilaalada Kacaanka Iran, uu yahay mid ka mid ah maskaxdii ka dambeysay qaraxii AMIA, waxayna dalbatay in loo soo masaafuriyo.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -

Shacabka shan ka mid ah Magaalooyinka Soomaaliya oo digniino loo diray

Hay’adda Qaxootiga iyo Barakacayaasha Qaranka ee DFS, oo digiin adag ka soo saartay waxyeelada Roobab xooggan oo la filayo in seddexda maalmood ee soo socota ay ka da’aan Magaalooyinka Beledweyne, Bu’aale, Garbahaarreey iyo Baydhabo.

HOOS KA AKHRISO QORAALKA HEYADDA

- Advertisement -

Somalia iyo Turkiga oo diirada saaray fulinta qodob ka mid ah heshiiskii labada dhinac

Wasiirka Gaashaandhigga Soomaaliya Cabdulqaadir Maxamed Nuur ayaa kulan gaar ah xarunta wasaaradda Gaashandhigga Soomaaliya kula qaatay mas’uuliyiin wasaaradda Gaashaandhigga iyo Saraakiisha Ciidamada Turkiga ee saarnaa Markabka dagaalka ee shalay soo gaaray Muqdisho.

Ajendaha kulanka ayaa ahaa qorsheyn iyo qaabeyn lagu dhiraan-dhirinayo hannaanka fulinta qodobo kamid ah heshiiskii Soomaaliya iyo Turkiga, gaar ahaan arrimaha tababarrada iyo taakuleynta ciidamada.

Kulankaas oo intiisa badan diiradda lagu saaray arrimaha ciidamada ayaa waxaa qeyb ka ahaa Taliye ku xigeenka ciidanka xoogga dalka Soomaaliyeed S/Guuto Madey Nuurey Sheikh iyo saraakiil kale.

- Advertisement -

Villa Somalia oo War-Murtiyeed ka soo saartay xiriirka DF iyo dowlad Goboleedyada

Markii la i doortay 15-kii May 2022, Dowladda Federaalka Soomaaliyeed ee aan hoggaamiyo waxay ugu horreyntiiba mudnaan gaar ah siisay xiriirka wada-shaqeyn ee kala dhaxeeya dowlad goboleedyada iyadoo saldhig uga dhigaysa mabaadi’da dastuureed ee hagaysa hannaanka wadashaqeynta Dowladda Federaalka iyo dowlad goboleedyada si loo dardargeliyo fulinta ajendayaasha qaran oo ay ugu horreeyaan adkaynta amniga dalka, dhammaystirka Dastuurka Dalka oo dabranaa muddo ka badan 10 sanadood, xoojinta federaalaynta dalka iyo horumarinta dhaqaalaha.

Nasiib wanaag, muddadii koobneyd ee aan talada Dalka hayey, Dowladda Federaalku waxay ka mirodhalisay xaqiijinta inta badan ajandeyaashii mudo inagu madlanaa inaga oo guulo ka gaarnay la-dagaalanka khawaarijta oo aan deegaano baaxad weyn ka saarnay, qaadista cunaqabateyntii hubka ee ina saarnayd in ka badan muddo 30 sano ah iyo cafinta deyntii naga hortaagneyd maalgashiga caalamiga ah.

Dowladda Federaalka waxa ay horumar ka sameysay dibu-eegista lagu dhammaystirayo Dastuurka J.F.S iyada oo sameysay wadatashiga saamileyda siyaasadeed iyo si gaar ah talo aruurin dadweyne si toos ah iyo si danabeysanba (Online), welina waxa ay dowladu dhiirigelinaysaa wada-xaajoodka iyo wada-tashiga lagu dhameystirayo dastuurka dalka si shacabka Soomaaliyeed u gaaraan himillooyinka ay hiigsanayaan ee ah helidda dowlad hagaagsan oo dimoqraadi ah kana shaqeysa baraaraha muwaadinka Soomaaliga ah.

Waxaan si gaar ah hoosta uga xariiqayaa in Dawladda Federaalku dadaal farabadan ku bixisay hagaajinta xiriirka wadashaqeyn ee kala dhaxeeya dhammaan Dowlad Goboleedyada si gaar ahna Dowladda Puntland si uu noqdo xiriir sharci ah oo ku salaysan danta dadka iyo dalka, welina waxaa ka go’an Dawladda Federaalku in ay sii wado dadaal kasta oo ay ku hagaajineyso Xiriirka Dawladda Puntaland si dadka Soomaaliyeed u hantaan dawlad Soomaaliyeed oo xaqiijin karta himilooyinkooda Dawladnimo.

Hadaba, Dowladda Federaalka waxaa ka go’an sidii horeba in aysan marnaba siyaasadeynin waajibka ka saaran wadashaqeynta labada heer dowladeed ee federaalka si gaar ah arrimaha ku saabsan dhaqaalaha, horumarinta iyo la tacaalidda arrimaha bini’aadannimada iyadoo oo adkeynaysa waajibka iyo xuquuqaha dastuuriga oo ay leeyihiin Dowlad goboleedyadu.

Ugu dambeyn, anigoo gudanaya xilkeyga dastuuriga ee ah ilaalinta midnimada iyo wadajirka dalka waxaan xusuusinayaa sida uu qabo Dastuurka Dalka in dowlad goboleedyadu aysan marnaba siyaasadeynin arrimaha masiiriga ah ee dowladnimada Soomaaliyeed sida: midnimada iyo wadajir Dalka, madax-bannaanida iyo gobnimada siyaasadeed ee Dalka, amniga Dalka, iyo bedqabka muwaadinka.

- Advertisement -

Wasiir Fiqi oo gudoomay fariin ka timid dhigiisa Sheikh Abdullah bin Zayed (Sawirro)

Wasiirka Arrimaha Dibadda iyo Iskaashiga Caalamiga, Mudane Danjire Axmed Macallin Fiqi, ayaa maanta oo Arbaco ah ku qaabilay xafiiskiisa Wasaaradda ee Caasimadda Muqdisho, Safiirka Dowladda Isutagga Imaaraatka Carabta, Ahmad Juma Al Rumaithi, oo uu kala hadlay siyaabaha lagu xoojin karo xiriirka labo geesoodka iyo iskaashiga u dhexeeya labada dal ee walaalaha ah.

Danjire Ahmad Al Rumaithi, oo ka wakiil ah Sheikh Abdullah bin Zayed Al Nahyan, Wasiirka Arrimaha Dibadda Imaaraatka, ayaa gudbiyay fariin hambalyo ah oo uu ka siday, kuna socotay Wasiirka cusub ee Arrimaha Dibadda Soomaaliya oo uu ugu hambalyeeyay xilka, una rajeeyay inuu ku guulaysto howsha loo igmaday.

Kulanka ayaa sidoo kale looga hadlay hore-u-dhaqaajinta iskaashiga labo geesoodka, iyadoo la soo banbixinayo fursadaha iyo istiraatiijiyadaha iskaashi ee dhinac weliba leh si loo dejiyo wax wadaag xooggan, loogana guul keeno kobac iyo horumar wadajir ah.

- Advertisement -

Xogta kulan Wasiir Fartaag la qaatay Wasiirada amniga dowlad goboleedyada dalka (Sawirro)

Wasiirka Amniga Gudaha Xukuumadda Federaalka Soomaaliya Mudane Cabdullaahi Sheekh Ismaaciil Fartaag ayaa kulan la qaatay Wasiirrada Amniga Dowlad-goboleedyada dalka oo Muqdisho u jooga xoojinta wadashaqeynta Laamaha amniga.

Wasiirrada ayaa xoogga saaray sidii loo mideyn lahaa dadaallada lagu sugayo amniga dalka, dardar-gelinta ladagaallanka Al-shabaab, tayeynta Booliska iyo xoojinta wadashaqeynta ku aaddan ka hortagga iyo kadaba tagga falalka dambiyada.

Wasiir Cabdullaahi Fartaag ayaa xusay muhiimadda ay amniga dalka u leedahay mideynta shaqada laamaha amniga iyo isku xirnaanta Booliska, isagoo bogaadiyey sida ay uga go’an tahay Wasiirrada Amniga ee heer dowlad-goboleed in la sii amba-qaado qorsheyaasha lagu xoojinayo Booliska Soomaaliyeed.

Shirka waxaa ka qeyb-galay Wasiirrada Amniga Dowlad-goboleedyada Jubbaland, Hirshabeelle, Galmudug iyo Koonfur-galbeed, waxaana ma maqnaa wasiirka amniga Puntland oo maamul ahaan khilaaf uu kala dhexeeyo DF.

- Advertisement -

Xassan Shiikh oo war ka soo saaray geerida Suldaan Axmed Rashiid Sh. Shucayb

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa tacsi tiiraanyo leh u diray qoyska, qaraabada, bahda dhaqanka iyo ummadda Soomaaliyeed ee uu ka baxay Alle ha u naxariistee Suldaan Axmed Rashiid Sheekh Shucayb.

Madaxweynaha ayaa xusay in Marxuumku uu ka mid ahaa tiirarka dhaqanka Soomaaliyeed ee doorka muuqda kasoo qaatay nabadda, xasilloonida, dib-u-heshiisiinta, adkeynta wadajirka shacabka iyo dowlad-dhiska, gaar ahaan dowlad-goboleedka Hirshabeelle.

Madaxweyne Xasan Sheekh ayaa Marxuumka Alle u weydiiyey in uu hoygiisa ka yeelo Jannatul Fardowsa, samir iyo iimaanna uu ka siiyo qoyskiisa iyo guud ahaan ummadda Soomaaliyeed ee uu ka geeriyooday.

- Advertisement -

Q/Midoobay oo ka digtay khatar ku soo fool leh boqolaal kun oo Soomaali ah

Qaramada Midoobay ayaa shalay ka digtay in la filayo in roobab xooggan ay ka da’aan Soomaaliya xilli roobaadkan gu’ga.

Afhayeenka Qaramada Midoobay Stephane Dujarric ayaa shalay sheegay in roobab biyo badan dhigay ay ka da’een gobollo kala duwan oo Soomaaliya ah, kuwo kalena la filayo April ilaa June.

Waxa uu sheegay in ilaa 50 doonyood loo diyaariyey meelaha laga baqayo inay ka dhacaan fatahaadaha oo illaa toban goobood ah oo ku teedsan webiyada Shabelle iyo Jubba.

Waxa uu intaas ku daray in roobabka laxaadka leh iyo daadadku ay saamayn karaan ilaa 770 kun oo qof.

Dujarric ayaa sheegay in roobabka laga cabsi qabo inay sii adlkeeyaan xaaladda shuban biyoodka iyo daacuunka lagu arkay meelo ka midah Soomaaliya, waxaana ilaa haatan la diiwaangeliyey ugu yaraan 7,200 kiis, iyo 75 dhimasho ah sannadkan.

Qaramada Midiobay waxay sheegtay in dhaqaalihii ay codsatay sannadkan oo ahayd 1 bilyan iyo 600 kun oo dollar la helay ilaa boqolkiiba toban.

- Advertisement -

News in English

Let President Hassan complete his term with the mandates he was...

During President Hassan Sheikh Mohamud's tenure, along with his Vice, Prime Minister Hamze Abdi Bare, they successfully oversaw the completion of the constitution, aligning...

Xulka Allbanaadir

Ka farxi CIIDA Aabe Soomaaliyed oo musiibo ku habsatay & qoyskiisa...

Marxaladaha Nolosha Insaanka waxaa ugu qaalisan dhalinyaro-nimada oo ah xiliga ugu firfircoon ee uu qofka u shaqeysan karo, Maxaad u maleyneysaa xanuunka ay leedahay...

HINNA Jobs