Dowlada Mareykanka ayaa ku wareejisay Ciidamada AMISOM diyaaradaha wax basaasa nuuca aan duuliyaha laheyn, si ay ugu adeegsadaan dagaalka ay kula jiraan dagaalyahanada Al Shabaab.
Munaasabad kooban oo ka dhacday xarunta Xalane ee magaalada Muqdisho ayaa dowlada Mareykanka kula wareejisay Ciidamada AMISOM diyaaraha aan duuliyaha laheyn ee loo yaqaan Drones.
Madaxa howlgalka ciidamada AMISOMÂ Francisco Madeira ayaa uga mahad celiyay dowlada Mareykanka diyaaradahan ay ugu deeqday, waxa uuna xusay in marar badan codsadeen balse ugu dambeyn ka heleyn dowlada Mareykanka.
Waxa uu ugu baaqay dowladaha kale ee caalamka in ay ka taageeraan dagaalka ay kula jiraan Al Shabaab uguna deeqaan diyaarado iyo qalab kale oo suurto gal ka dhigi kara in Al Shabaab laga guuleesto.
Ciidamada AMISOM ee Soomaaliya u jooga caawinta dowlada Soomaaliya ayaan wali heysan diyaaradaha dagaalka ay marar badan codsadeen, waxa aysan sidoo kale AMISOM horey u heysan diyaaradaha wax basaasa kuwaa oo hada un loogu deeqay.
Xafiiska Shabakada Allbanaadir.com
Muqdisho Somalia
Allbanaadir@live.com
