Taliyaha Ciidanka Booliska Soomaaliyeed Sarreeye gaas Bashiir Cabdi Maxamed (Ameeriko) ayaa wareegto uu soo saaray ku magacaabay Taliyaha ciidanka nabad galyada wadooyinka Muqdisho .
Wareegtada kasoo baxday Taliyaha ciidanka Booliiska Soomaaliya ayaa lagu magacaabay Generaal Maxamed Xuseen Madaale in uu noqdo taliyaha ciidanka Taraafikada magaalada Muqdisho.
Ciidanka Taraafikada magaalada Muqdisho ayaan mudooyinkii lasoo dhaafay laheyn wax taliye ah, waxa ayna taasi hoos u dhigtay shaqadii ay qaban jireen ciidanka Nabad galyada Wadooyinka ee Taraafiko.
Magaalada Muqdisho waxaa ka dhaca shilal badan oo sabab u noqda darawalada gaadiidka iyo mootooyinka oo xirfad badan laheyn, waxaa sidoo kale magaalada ku yar shaqada ciidanka taraafikada oo looga fadhiyay kala hagida gaadiidka.
Xafiiska Shabakada Allbanaadir.com
Muqdisho Somalia
Allbanaadir@live.com
