Ciidamo katirsan kuwa amaanka degmada Dayniile ee gobolka Banaadir , ayaa lagu soo waramayaa in xalay xaafada Ciise Cabdi ee deegaanka Gubta, ku dileen labo nin oo dhallinyaro ah, halka ay dhaawac u geesteen gabar kale .
Sida aan wararka ku helnay ciidamada oo waday howlgal amni xaqiijin ah , ayaa rasaas ku furay mooto ay saarnayaeen labo wiil oo shacab ah, kuwaa oo la xaqiijiyay in ay u geeriyoodeen rasaasta la huwiyay, halka uu dhaawac soo gaaray gabar.
Maamulka degmada Dayniile iyo laamaha amaanka , ayaan wali ka hadlin dilkan xalay ciidamada amaanka u geesteen dadka shacabka ah, waxaana meydadka labada qof ee la dilay la geeyay xarunta dambi baarista CID-da oo baaritaano ku sameysay sida uu dilku u dhacay.
Amaanka degmada Dayniile, ayaa maalmihi lasoo dhaafay ahaa mid ay cabasho badan ka qabeen dadka shacabka ah, waxaana hadda ugu sii darsantay in ciidankii amniga iyagana si micnodarro ah u dilayaan dadka shacabka ay aheyd in amnigooda ilaaliyaan.
Xafiiska Shabakadda Allbanaadir.com
Muqdisho Somalia
Allbanaadir@live.com
