Dabley hubeysan ayaa caawa waxay labo nin oo ganacsato ah ku dileen degmada Bursaalax ee gobolka Mudug sida ay sheegayaan warar goor dhow na soo gaaray.
Ragga la dilay ayaa kala ah Maamulihii shirkadda Golis laanta Bur-saalax Burhaan Dhagadub iyo nin ganacsade ah oo lagu magacaabo Mahad Sayuun.
Goob joogayaal ayaa sheegay in ragga dilalka geystay ay goobta ka baxsadeen markii ay weerarka fuliyeen.
Wararka ayaa sheegaya in dilkan uu salka ku haayo aano qabiil oo u dhexeysa beelo wada dega Puntland gaar ahaan woqooyiga magaalada Gaalkacyo.
Xiisad ka dhalatay dilalkan ayaa ka taagan degmada Bursaalax, iyadoo laga cabsi iney dhacaan dilal kale oo aargoosi qabiil ah, mana jiro illaa hadda war dilalkan ku saabsan oo ka soo baxay maamulka degmada iyo laamaha amaanka Puntland
