Dagaalyahano hubeesan oo katirsan Al Shabaab ayaa jimcihii lasoo dhaafay weerar xoogan oo isugu jiray ismiidaamin iyo mid toos ah waxa ay ku qaadeen Hotelka Saxafi ee kuyaala Muqdisho.
Warbaahinta Al Shabaab ayaa wareysi ka qaaday mid kamid ah ragii weerarka ku qaaday Hotelka Saxafi , waxa uuna ninkan sheegay in uu ku faraxsan yahay weerarka uu ka qeyb qaadanayay.
Al Shabaab ayaa magaca ninkan kamid ahaa ragii Weeraray Hotelka Saxafi ku sheegtay Axmed Aadan Mursal (Axmed Guduud), waxa uuna ninkan kasoo jeedaa Beesha Raxanweyn gaar ahaan jufada Hadamo.
Ninkan kamid ahaa ragii weerarka ku qaaday Hotelka Saxafi ayaa kula dar daarmay xubnaha kale ee Al Shabaab in halkooda kasii wadaan dagaalka ay kula jiraan dowlada Federaalka Soomaaliya iyo ciidamada taageera.
Weerarkii Al Shabaab ku qaadeen Hotelka Saxafi waxaa ku dhintay dad ku dhaw 50-qof oo u badnaa dad shacab ah, waxa ayna Al Shabaab sheegeen in weerarkaasi ku dileen masuuliyiin iyo saraakiil dowlada katirsan.
Xafiiska Shabakada Allbanaadir.com
Muqdisho Somalia
Allbanaadir@live.com
