War saxaafadeed kasoo baxay maamulka Puntland ayaa lagu beeniyay eedeyn uga timid maamulka Somaliland oo ku aadanaa in ciidamada Puntland qeyb ka yihiin dagaalka ka socda Laascaanood.
Puntland warka kasoo baxay ayaa lagu sheegay in ciidankooda aysan qayb ka ahayn dagaalka ka socda magaalada Laascaanood, waxa ayna Puntland sheegtay in ay qadarineyso Soomaalininada iyo xasilloonida.
“Dagaalkaani wuxuu u dhaxeeyaa oo kali ah dadka deegaanka oo naftooda iyo aayahooda difaacaya iyo Somaliland oo rabta in ay xoog ku haysato, qori caaraddiisna ku hirgeliso mashruuceeda gooni-goosadka ah” ayaa lagu yiri warka Puntland kasoo baxay.
- Advertisement -
