Ciidamada dawladda oo ay taageerayaan kuwa maamullka Galmudug ayaa ku sii siqaya degmada Bacaadweyne ee gobolka Mudug oo ay gacanta ku hayaan kooxda Al-Shabaab.
Dagaal culus ayaa lagu soo waramayaa in labada dhinac uu ku dhexmarayo tuulada Qaycad oo qiyaastii afar kilo mitir u jirta Bacaadweyne.
Lagama hayo wax faahfaahin inta uu la egyahay khasaaraha uu dhaliyay dagaalka ka socda degaanka Qaycad.
Wasiirka Amniga Galmudug Maxamed Cabdi Gaboobe ayaa sheegay in ciidamadu kaabiga u saaran yihiin inay galaan Bacaadweyne, isagoo xusay inuu dagaal ka socdo tuulada Qaycad oo ku dhaw Bacaadweyne.
Degaanka Bacaadweyne oo ah meel istaatiiji ah ayaa bishii August ee sanadkii 2021 u gacan galay Al-shabaa kadib markii ciidamada dawladdu isaga baxeen.
Xafiiska Shabakada Allbanaadir.com
Muqdisho Somalia
Allbanaadir@live.com
