In ka badan 40 qof ayaa ku dhintay ka dib markii uu bas ku dhacay tog isla markaana uu dab qabsaday gobolka Balochistan ee koonfurta Pakistan, sida ay saraakiishu sheegeen.
41 Meyd ah ayaa laga soo saaray burburka baska, qaar ayaa gubtay oo aan la aqoonsan karin, sida uu wakaaladda wararka ee Reuters u sheegay sarkaal ka tirsan booliiska degmadaas Israr Cumrani.
Baska oo ay saarnaayeen ku dhawaad 48 qof ayaa shil galay xili uu ka soo baxay caasimada Balochistan ee Quetta kuna sii jeeday magaalada koonfureed ee Karachi sida ay saraakiishu sheegeen.
Tobaneeyo qof ayaa ku dagaalamayey burburka diyaaradda, muuqaallada ay wadaageen hay’adda Edhi Foundation ee gargaarka iyo gurmadka degdegga ah ayaa muujiyey, shaqaalaha ambalaasyada ayaa qaadaya meydka burburka.
Kaaliyaha guddoomiyaha degmada Laasbela ee gobolka Balochistan Xamza Anjum ayaa wargeyska Dawn u sheegay in gaadhigu uu ku dhacay buundada, taasoo keentay in uu ku dhaco tog, isla markaana uu dab qabsado.
Shilalka waddooyinka ee dhimashada ayaa ku badan dalka Pakistan, halkaasi oo aan si naadir ah loo raacin sharciyada waddooyinka, isla markaana ay xaaladdoodu liidato wadooyin badan oo miyi ah.
Xafiiska Shabakada Allbanaadir.com
Muqdisho Somalia
Allbanaadir@live.com
