Ra’iisul Wasaare ku-xigeenka Xukuumadda Federaalka Soomaaliya, Mudane Salah Jama ayaa u ambabaxay caasimadda dalka Niger ee Niamey.
Wafdiga Salah Jama ayaa kaga qeyb gali doono halkaas shir Madaxeedka Midowga Afrika ee Warshadaha iyo Horumarinta Dhaqaalaha oo ka furmaya magaalada Niamey.
Shirka oo ay ka qayb galayaan madax kala duwan oo ka socda qaaradda Afrika iyo adduunka ayaa lagaga hadlayaa sidii dalalka Afrika isaga kaashan lahaayeen horumarka dhaqaalaha iyo warshadaha kuwaasi oo ka qayb qaadan doona kobaca dhaqaalaha iyo shaqo abuurka dalalka Afrika.
Ra’iisul Wasaare ku-xigeenka Xukuumadda Federaalka Soomaaliya, Mudane Salah Jama ayaa lagu wadaa inuu khudbad ka jeediyo shirkaas, taasoo uu kaga hadlayo xaalada dhaqaalaha ee Somalia iyo horumarka ay DF ka sameysay kobcinta dhaqaalaha dalka.
Xafiiska Shabakada Allbanaadir.com
Muqdisho Somalia
Allbanaadir@live.com
