Dabley loo maleynayo inay ka tirsan yihiin Al-shabaab ayaa laba ka mid ah shaqaalaha caafimaadka, darawalkii waday gaari nooca ambalaas ah iyo bukaankii ay wadeen ka afduubtay meel ku dhow xadka Kenya ay la wadaagto Soomaaliya sida uu sheegay Booliska dalkaas
Raggan ayaa weerar gaadmo ah ku qaaday gaari ambalaas ah oo ay leedahay dowlad goboleedka Mandera ee waqooyi bari dalkaasi, xilli ay bukaanka u qaadaysay isbitaal ku yaala degaanka.
Ambalaasta iyo shaqaalaha caafimaadka ayaa ku sii jeeday isbitaalka Ceelwaaq si loogu gudbiyo bukaan, iyadoo dableyda looga shakisan yahay Al-shabaab ee qafaashay baabuurka iyo shaqaalaha ay ula baxsadeen xadka Soomaaliya.
Falkani ayaa ku soo aaday xili weerarada Al Shabaab ay ka geysanayaan gudaha dalka Kenya ay sanadihii ugu dambeeyay yaraadeen waxaa xusid mudan in kooxdu ay horey u beegsatay ciidamada ammaanka, iskuullada, gaadiidka, magaalooyinka iyo isgaarsiinta waqooyi bari iyo bariga Kenya.
Xafiiska Shabakada Allbanaadir.com
Muqdisho Somalia
Allbanaadir@live.com
