Gudoomiyaha baarlamanka Somalia Shiikh Aadan Madoobe ayaa kulan kula qaatay magaalada Muqdisho wakiilada beesha caalamka u fadhiya Somalia
Kulanka ayaa diiradda lagu saaray sidii qaab hufan loogu soo gabagabeyn lahaa hannaanka doorashada, iyo baahida loo qabo in la horumariyo qorshaha dhismaha dowladnimada Soomaaliya.
Wakiilada beesha caalamka ayaa sidoo kale Shiikh Aadan Madoobe kala hadlay sidii loo xalin lahaa muranka ka taagan xildhibaano labo garab ah oo lagu doortay Ceelwaaq iyo Garbahaarey.
Shiikh Aadan Madoobe ayaa dhinaciisa kaga warbixiyey beesha caalamka qorsheyaashiisa ku aadan sidii qaab nabdoon loogu soo gebagebeyn lahaa doorashada, wuxuuna xusay inuu dedaalkiisa iskugu geyn doono sidii uu u qancin lahaa dhinacyada oo dhan.
- Advertisement -
