Ciidanka kumaandooska Soomaaliya ee Danab Hawlgal Qorshaysan oo dad lagu qabqabtay saacadihii lasoo dhaafay ka sameeyey degaanka Caliyoow baaroow oo ka tirsan Gobolka Shabeelaha Hoose.
Saraakiisha ciidanka Danab hoggaamineysay ayaa sheegay in ujeedka howlgalka uu ahaa burburinta goobo Al Shabaab kaga sugnaayeen deegaanka Caliyoow Barakow iyo sidii aagaasi Al Shabaab looga saari lahaa.
Ciidamada ayaa la sheegay in deegaanka ka sameeyeen baaritaano ayna soo qabqabteen dad badan oo ay tuhmayeen, waxa ayna markii dambe ciidamada ka xeesteen afar nin oo saraakiisha ciidanka sheegeen in Al Shabaab katirsan yihiin.
Saraakiisha ciidanka oo sidoo kale la hadlay dadka deegaanka ayaa uga digay in ay soo dhaweestaan lana shaqeeyaan Al Shabaab, waxa ayna xuseen in ay sii wadu doonaan howlgalada ka dhanka ah Al Shabaab.
