Ra’iisul Wasaaraha Xukuumada Federaalka Soomaaliya Mudane Maxamed Xuseen Rooble ayaa maanta la kulmay Wakiilka Xoghayaha Guud ee QM ee Soomaaliya Mudane James Swan .
Rooble iyo James Swam ayaa kulankooda waxa ay uga wada hadleen dardargelinta doorashooyinka dalka iyo taageerada farsamo iyo dhaqaale ee laga doonayo Beesha Caalamka in ay ku baxiso socodsiinta doorashada.
Ra’iisul Wasaare Rooble iyo James Swan ayaa isla gartay sida ay muhiimka u tahay in la dedejiyo howlaha doorashooyinka oo kadib dhacay waqtigii horey loogu heshiiyay.
Ra’iisul Wasaare Maxamedd Xuseen Rooble ayaa horay ugu boorriyay dowlad-goboleedyada dalka in ay sida ugu dhaqsiyaha badan u bilaabaan qabashada doorashooyinka Golaha Shacabka Baarlamaanka Federaalka Soomaaliya.
