Qarax aad u xoogan oo jugtiisa inta badan laga maqlay qeybo badan oo kamid ah magaalada Muqdisho ayaa goordhaw ka dhacay inta u dhaxeysa isgooska Tarabuunka iyo Garoonka Horseed.
Sida aan wararka ku helnay qaraxan oo ahaa mid ismiidaamin ah ayaa lala eegtay gaadiid la sheegay in ay la socdeen saraakiil katirsan ciidanka milatariga Soomaaliya oo goobtaasi marayay.
Qaraxa kadib ayaana la maqlayay rasaas ay ridayeen ciidamada dowlada gaar ahaan kuwa milatariga oo ka bad baaday qaraxa, waxaaana qaraxan ka dhashay khasaaro isugu jira dhimasho iyo dhaawac.
Gaadiid dagaal oo ka baxay xarunta Wasaarada Gaashaandhiga ayaa gaaray goobta uu qaraxu ka dhacay kuwaa oo gabi ahaan xiray halka qaraxu ka dhacay, waxaana adag in la ogaado xaalada goota qaraxu ka dhacay.
Waxii warar ah ee kusoo kordha kala soco Wararkayaga Dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
