Allbanaadir.com
NEWS

Dowladda oo ka hadashay wararka sheegaya in ay heshiis dhinaca badda ah la galeyso Itoobiya

Waxaa saacadihii lasoo dhaafay warbaahinta qaar si weyn u baahiyeen warar sheegaya in dowladda Federaalka Soomaaliya heshiis dhinaca badda ah la galeyso dowladda Itoobiya, xilli labada dal uu xilligan ka dhax jiro khilaaf xooggan.

Heshiiskan oo dowladda Kenya ay garwadeenka ka tahay ayaa la sheegay in lagu qaboojinayo xiisada diblumaasiyadeed ee ka dhaxeeya dowladaha Soomaaliya iyo Itoobiya , oo ka bilowday markii Itoobiya heshiis dhinaca badda ah la gashay Somaliland.

Wasiiru dowlaha wasaaradda arrimaha dibadda dowladda Federaalka Soomaaliya Cali Balcad ayaa si adag u beeniyay warka sheegaya in dowladda Soomaaliya ay heshiis dhinaca badda ah oo xiisada lagu qaboojinayo la galeyso Itoobiya.

“Wararka ku saabsan heshiiska badda ee Soomaaliya iyo Itoobiya ayaa ah kuwo aan sal iyo raad toona lahayn. “Soomaaliya waxay ku adkaysanaysaa madax-banaanideeda dhuleed. Waxaan ku baaqaynaa in diiradda la saaro nabadda iyo xasilloonida gobolka”

Warkan kasoo baxay dowladda Soomaaliya ayaa kusoo aadaya xilli dowladda Kenya wado dedaalo xal loogu raadinayo xiisada Soomaaliya iyo Itoobiya, waxaana shalay Nairobi ku kulmay Madaxweynayaasha Soomaaliya iyo Kenya oo arrimo kala duwan ka hadlay.

Kenya ayaa horey ugu fashilantay isku day ay ku dooneysay in Madaxda Soomaaliya iyo Itoobiya isugu keento , si ay uga wada hadlaan xiisada diblumaasiyadeed ee ka dhax jira labada dal ee dariska ah.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

C/wali Gaas oo ka farxiyey ganacsatada leh hantida saaran doon ku soo caariday xeebta Boosaaso (Daawo Sawirro)

Caydiid Ali

Taliye sare oo katirsanaa Kacaanka Iran oo la dilay iyo cidda lagu tuhmayo dilkiisa

Cabdi Cade

Madaxweyne goboleedkii 2aad oo Muqdisho u yimid shirka Golaha wada tashiga (Sawirro)

Caydiid Ali