Taliska Booliska magaalada Muqdisho ayaa shaaciyey in la qabtay askari maanta askari kale ku dilay degmada Wadajir ee magaalada Muqdisho kaasoo ay sheegeen inuu haatan xiran yahay, lana horgeynayo Cadaalada.
Dilka askariga ayaa waxaa ka carooday dadweyne fara badan oo dibed bax kooban oo rabshado watay ka dhigay agagaarka isbitaalka Banaadir.
Sida wararku sheegayaan askariga la dilay ayaa ilaalo ka ahaa Ceel ku yaalla xaafada dab damiska ee degmada Wadajir
HOOS KA AKHRISO QORAALKA BOLISKA
Abaare 14:00 PM, ayaa la dilay Marxuum ex- Booliis Daahir Cabdi Axmed, ina Salaado Maxamed Geedi 45 jir ku dhashay Mudug, deganaa Wadajir, kaas oo lagu dilay Degmada Wadajir gaar ahaan waaxda Xaawo-taako.
Eedeysane Booliis, Mowliid Maxamuud Axmed, oo ku eedeeysan dilka marxuumka, ayaa Ciidamada Amaanku gacanta ku dhigeen, hadana wuu xiran yahay, waxaan ku socota baarista si cadaalada loo horgeeyo.
Taliska Ciidanka Booliiska Soomaaliyeed, ayaa ka xun dhacdadaas foosha xun. Eedeysanuhu si deg deg ah ayu cadaalada ku wajahayaa.
Wa bilaahi towfiiq.
