Madaxweynaha Somalia Maxamed C/llaahi Farmaajo ayaa goor dhow gaaray magaalada Marko-cadey ee gobolka Sh/hoose.
Waxaa madaxweynaha safarka ku wehliya, Wasiiro, saraakiisha iyo abaanduulayaasha ciidamada qalabka sida ee dalka.
Shacab fara badan ayaa Madaxweynaha iyo wafdigiisa ku soo dhoweeyey magaalada Marko, iyadoo xaalada amaanka magaalada si weyn loo xoojiyey.
Sida ay sheegayaan ilo wareedyo kala duwan ujeedada safarka Madaxweynaha uu ku tegay magaalada Marko ayaa lagu sheegay iney tahay dhiirigelinta guutada 14-ka Oktoobar bee ciidanka xoogga dalka ee ka howlgasha Magaalada Marko iyo degaano kale oo ka tirsan gobolka Sh/hoose.
Guutada 14ka Oktoobar ayaa dhowaan magaalada Marko iyo qeybo ka mid ah gobolka Sh/hoose dagaal kaga saaray kooxda Al-shabaab.
Booqashada Madaxweyne Farmaajo uu ugu tegay guutada 14-ka Oktoobar ayaa ku soo aaday xili maanta ay ku began tahay sanadguuradii koowaad ee ka soo wareegtayt qaraxii Zoope oo galaaftay nolosha boqolaal shacab ah.
Xafiiska Shabakada Allbanaadir.com
Muqdisho Somalia
Allbanaadir@live.com
