Booliska Mareykanka ayaa ugu dambeyn gacanta ku dhigay nin looga shakisan yahay inuu geystay fal dil ah kadib 40 sano oo uu ku jiray dhuumasho.
Donald Santini oo 65 jir ah ayaa lagu eedeeyay inuu isticmaalay 13 magac oo been abuur ah si uu uga baxsado sharciga kadib markii uu sanadkii 1984-tii haweeney 33 jir aheyd ku dilay Florida.
Markii la xirayey waxaa ahaa madaxa guddiga biyaha ee degmo ku taal gobolka California. Waxaa gacanta ku haya booliska Florida si uu u wajaho cadaalada.
Waxaa loo heystaa dilka haweeney lagu magacaabi jiray Cynthia Wood oo markaas 33 jir ahayd taasoo ay kala tageen ninkeeda. Waxa uu ahaa qofkii ugu dambeeyay ee iyada la kulmay 6 June 1984 ka hor inta aanay dembi baarayaashu helin maydkeeda la ceejiyay oo lagaga tagay kanaal biyo mareen ah.
Maamulka ayaa sheegay in uu ka baxsaday goobta kadib markii lagu eedeeyay dilka haweeneydaasi.
Santini ayaa la xiray waxaana lagu eedeeyay dil darajada koowaad ah ka hor inta aan loo gudbin xabsiga Hillsborough County ee Tampa, Florida horaantii todobaadkan.
Xafiiska Shabakada Allbanaadir.com
Muqdisho Somalia
Allbanaadir@live.com
