Laacibkii hore ee reer Brazil Pele ayaa sheegay inuu wali yahay nin xooggan xilli lagu daweynayo isbitaal ku yaalla Sao Paulo ka dib markii ay soo wajaheen xanuuno kala duwan.
Qoraal ah oo uu soo saaray ayuu ku sheegay in fariimaha taageerada iyo sidoo kale daawashada Brazil ee Koobka Adduunka ay siiyeen awood.
Dhakhaatiirta la tacaalaya caafimaadkiisa ayaa sheegay inay wali daweyn ku socoto xaaladiisana ay deggan tahay”.
Arrintan ayaa timid ka dib markii ay soo baxeen warar sheegayay in Pele la geeyay qeybta daryeelka degdeg ah ICU ka dib markii xaaladiisa caafimaad ay ka sii dartay.
Sida ay sheegeen dhakhaaiirta Pele ayaa laga helay caabuq xagga neef-mareenka ku dhaca, hase ahaatee xaaladdiisu wanaagsan tahay.
Laacinkan hore ayaa ah gooldhaliyaha ugu sarreeya taariikhda Brazil isagoo dhaliyay 77 gool 92 kulan oo uu ciyaaray waxaana uu ka dhaliyay afar koob adduunka ah.
Pele oo imika 82 jir ah isla markana saddex jeer ku guuleystay Koobka Adduunka ayaa isbitaalka ku jiray tan iyo todobaadkii hore.
Xafiiska Shabakada Allbanaadir.com
Muqdisho Somalia
Allbanaadir@live.com
