Waxaa ka furmay degmada feer feer ee Gobolka Shabeelle kulan u dhaxeeya Dowlad Deegaanka Soomaalida iyo Dowlad Goboleedka Hir-shabeelle ee Soomaaliya.
Furitaanka Shirkan ayaa ka danbeeyay kadib markii DDS casuumaad u fidisay wafti ka socda Dowlad Goboleedka Hir-Shabeelle oo maanta soo gaaray degmada feer feer uuna horkacayay Madaxweyne kuxigeenka Hir-shabeelle Yuusuf Axmed Hagar (Dabageed)
Kulankan oo ahaa furitaan kana soo qayb galeen Hogaanka Nabad-galyada DDS iyo Madaxweyne kuxigeenka Hir-shabeelle iyo xubna kale.
Hogaanka xafiiska Nabad-galyada DDS oo kulan kaas ka hadlay ayaa sheegay in kulanka ilaa maalinta bari ah socon doono kana wada hadli doonaan Amniga xuduuda labada Deegaan wadaagaan iyo iskaashiga labada Deegaan.
Dowlada Deegaanka Soomaalida ayaa xuduud dheer la wadaagta maamulada Soomaaliya sida, Puntland, Galmudug, Hir-shabeelle, Koonfur-galbeed Soomaliya iyo Somaliland.
Maalmo ka hor ayey aheyd markii Wafdi ka socda Maamulka Galmudug ay Magaalada Wardheer ee dowlad degaanka Soomaalida Itoobiya heshiis ku kala saxiixdeen, kaasoo la xiriira iskaashiga dhinacyada amaanka xuduuda iyo isku socodka ganacsiga iyo dadka.
Xafiiska Shabakada Allbanaadir.com
Muqdisho Somalia
Allbanaadir@live.com
