Guddiga Doorashooyinka Somaliland, ayaa maanta markii ugu horeysay tijaabiyey hannaanka Hubinta Xogta Codbixiyaha (Biometeric Voter Verification System), kaasoo lagu geli doono doorashooyinka soo socda.
Madaxweyne ku-xigeenka Somaliland iyo hoggaamiyeyaasha Mucaaradka, ayaa ka qeyb-galay munaasabadda arrintaasi lagu soo bandhigayey.
Doorashada madaxtinimada ee Somaliland, ayaa ku mudeysan in la qabto bisha Nofeembar ee sanadkan.
Guddoomiyaha guddiga Doorashada Somaliland, Cabdirashiid Riyo-raac, ayaa carabta ku dhuftey in maanta daaha laga rogey qalabka dhanka hubinta qofka, gaar ahaan Indhaha.
Riyo raac, ayaa intaa ku darey in qofka marka uu indhaha saaro qalabka hubinta, ay soo baxayaan macluumaadkiisa oo dhameystiran, taasoo ka hortageysa wax is daba marin.
Qalabkan ayaa fududeynaya in laga hortago in qofku marar badan codeeyo iyo in lagu shubto codadka dadka ka qeyb qaatay doorashada
