Madaxweynaha maamulka Puntland Siciid Cabdullaahi Deni ayaa cafis Madaxweyne u fidiyay Odayaal Dhaqmeed caan ah iyo Siyaasi dhawaan Xukuno xabsi ah ku riday Maxkamada gobolka Bari.
Odayaasha iyo Siyaasiga cafiska loo fidiyay ayaa cambaareeyay hab dhaqanka siyaasada Madaxweyne Deni, waxaana xabsiga dhigay Ciidamada amaanka iyadoona ugu dambeyn Maxkamada gobolka Bari xukuno kala duwan ku riay.
Halkan ka Akhriso Cafiska Madaxweyne Deni u fidiyay Maxaabiista
Madaxweynaha Dowladda Puntland Mudane Siciid Cabdullaahi Deni ayaa Xeer Madaxweyne Lr.11 oo ku taariikheysan January 15, 2020 Cafis gaar ah ugu fidiyey 5 xubnood oo dhowaan Xukun Maxkamadeed uu ku dhacay.
Madaxweynaha Dowladda Puntland
Markuu arkay: Dastuurka Dowladda Puntland Qodobkiisa 80-aad, farqadiisa 11-aad.
Markuu arkay: Qodobka 149-aad ee Xeerka Ciqaabta Soomaaliyeed
Markuu arkay: Warqadda sumadeedu tahay XIG/DPS/ /2020, kuna taariikhaysan 14/01/2020, ujeedadeeduna tahay Codsi Cafis Gaar ah Maxaabiis Xukuman, kana soo baxday Xafiiska Xeer-ilaalayaha Guud ee Dowladda Puntland
Markuu Tixgaliyay: Xaaladooda Caafimaad iyo waliba mida Da’dooda ee xukumanayaasha hoos ku xusan
Wuxuu xeeriyey:
1. Waxaa cafis Madaxwayne oo gaar ah loo fidiyey Xukumunayaasha magacyadoodu kala yihiin sidatan:-
1.1. Muuse Cali Jaamac Ina Caasho Ciise 70 jir ah
1.2. Cabdullaahi Yuusuf Buuxe Ina Faadumo Shire 60jir ah
1.3. Cawad Ceel Maxamed 70 jir ah
1.4. Cabdicasiis Baydhabo Axmed Ina Shamis Siciid 47 jir ah
1.5. Maxamuud Aadan Rooble ina Mumino Maxamud 60 Jir ah
Xeerkani wuxuu dhaqan gelayaa markuu Madaxweynuhu saxiixo, wuuna saxiixay.
Xafiiska Shabakada Allbanaadir.com
Muqdisho Somalia
Allbanaadir@live.com
