Warbaahinta dowladda Soomaaliya ayaa sheegtay in taliyaha taliyaha ururka 60-aad ee ciidanka XDS uu ku wargaliyay wasiirka Warfaafinta Soomaaliya, Daahir Maxamuud Geelle in Saddex Sarkaal ay u xiran yihiin tacaddi lagula kacay wariyeyaal Soomaaliyeed.
Falkan ayaa dhacay 18kii Bishan, waxaana baraha bulshadda lagu baahiyay muuqaalka saddex wariye oo Lugaha iyo Gacmaha inta laga xiray xabadka loo dhigay meel qorax ah magaalada Muqdisho.
Saraakiisha la xiray ayaa la sheegay in ay mas’uul ka ahaayeen tacadiga lagula kacay wariyayaasha, isla markaana ay su’aalo weydiinayaan laamaha Danbi baarista dowladda Soomaaliya.
Waa markii ugu horeysay oo ay dowladda Soomaaliya shaacisay in saraakiil ciidan loo xiray tacadi lagula kacay suxufiyiin Soomaaliyeed oo inta badan cabasho ka muujiyey hab dhaqanka ciidamada dowladda.
Xafiiska Shabakada Allbanaadir.com
Muqdisho Somalia
Allbanaadir@live.com
