Illaa 8 musharax oo u tartamayay Doorashada Madaxweynaha Puntland ayaa ku dhawaaqay dhawaaqay inay ka tanaasuleen Doorashada 8-da bishan ka dhaceysa Magaalada Garoowe.
Musharixiinta ka tanaasulay doorasahada Madaxweynaha Puntland ayaa waxaa kamid ah Cabdirisaaq Cabdullaahi Jaamac (Janagale), Cali Axmed Gamuuti, Cabdixakiim Cabdi Xaashi, Maxamed Salaad Qoryoolay,Cabdullaahi Jaamac Saalax iyo Cabdiweli Cabdiraxmaan Gayre, kuwaasuu u tanaasulay Saddex Musharax oo kala ah Siciid Cabdullaahi Deni, Cabdisamad Maxamed Galan iyo Dr Daahir Mire Jibriil
Waxay sheegeen in ay cududooda u midaynayaan sidii isbeddel looga taabba-gelin lahaa Puntland, isla markaana looga hortagi lahaa faragelin lagu sameeyo doorashada madaxtinimada Puntland.
Labo musharax oo kala Saadiq Eenow iyo Siciid Qurbaawi ayaa iyana maanta xili hore sheegay inay u tanaasuleen Dr. Cali Ciise Cabdi, inkastoo Saadiq Eenow uu mar dambe ku dhawaaqay murashax Madaxweyne ku xigeen.
Xafiiska Shabakada Allbanaadir.com
Muqdisho Somalia
Allbanaadir@live.com
